أُبْلُوجُ السُّكَّرِ [ublûc] (أُسْلُوبٌ [uslûb] vezninde) ve
بِلِّيجُ السَّفِينَةِ [billîc] (سِكِّينٌ [sikkîn] vezninde) İkisi dahi muʹarreblerdir. Mü΄ellif ʹâdeti üzere sükûtundan başka şârihler dahi sükût eylemişlerdir. Kaldı ki أُبْلُوجٌ [ublûc] tabh-ı sâliste mübâlaga olunan şekere denir ki kand-i mükerrer taʹbîr olunur, hâlen nebât şekeri dedikleridir; muʹarrebi hemzenin zammıyladır. Ve
بِلِّيجٌ [billîc] Bîle-i Fârisî muʹarrebidir ki gemicilerin gönder ve mürdî ağacı dedikleri uzun sırığa denir, onunla gemiyi ve kayığı sığ yerlerden ve kıyılardan defʹ ederler ve baʹzısının ucu kürek gibi yassı olur. Lehce sâhibi bunu dümenci ile beyân eylemiştir, fe’nzur.
Sitemizde detaylı hızlı ve kolay arama ekranı