اَلْجَبَّاءُ [el-cebbâ΄] (زَبَّاءُ [zebbâ΄] vezninde) Mü΄ennesidir; yukâlu: بَعِيرٌ أَجَبُّ وَنَاقَةٌ جَبَّاءُ أَيْ بَيِّنُ الْجَبَبِ Ve
جَبَّاءُ [cebbâ΄] Kıynaklarının eti olmayan sağrısız hatuna denir yâhûd sadr ve sedyleri büyümeyip yatık olan hatuna yâhûd uyluk etleri az ve hîre olmakla butsuz olan hatuna denir; yukâlu: اِمْرَأَةٌ جَبَّاءُ أَيْ لاَ أَلْيَتَيْنِ لَهَا أَوِ الَّتِي لَمْ يَعْظُمْ صَدْرُهَا وَثَدْيَاهَا أَوِ الَّتِي لاَ فَخِذَيْنِ لَهَا
الْجُبَّأُ [el-cubbe΄] (cîm’in zammıyla سُكَّرٌ [sukker] vezninde ve elif’in meddiyle lügattir) Korkak, cebân maʹnâsınadır. Ve bir nevʹ okun ismidir. Şârihin beyânına göre yeleksiz ve temrensiz, ucu yumru oktur ki tomar oku taʹbîr olunur. Ve
جُبَّاءٌ [cubbâ΄] (elif’in meddiyle) Hoş-manzar olmayan hatuna denir. جُبَّاءَةٌ [cubbâ΄et] dahi denir hâ’yla; bed-likâ olmakla gûyâ ki nazar, tâkat getirmeyip munsarıf olur; yukâlu: إِمْرَأَةٌ جُبَّاءٌ وَجُبَّاءَةٌ أَيْ لاَ يَرُوعُكَ مَنْظَرُهَا Ve
جُبَّاءُ [Cubbâ΄] Îrân’da Ḣûzistân eyâletinde bir kûre, yaʹnî bir kazâ adıdır. Ve Nehrevân kazâsında bir karye ismidir. Ve ʹIrâḵ’ta Hît nâm belde kazâsında bir karyedir. Ve Baġdâd eyâletinde Yaʹḵûbâ nâhiyesinde bir karyedir.
Sitemizde detaylı hızlı ve kolay arama ekranı