اَلْجَحْمَظَةُ [el-caḩmeżat] (دَحْرَجَةٌ [dahrecet] vezninde) قِمَاطٌ [ḵimâṯ] maʹnâsınadır ki zikr olundu. Şârihin beyânına göre mü΄ellif burada teşvîş eylemiştir, zîrâ savâb olan قِمْطٌ [ḵimṯ] maʹnâsına olmaktır. Ve
جَحْمَظَةٌ [caḩmeżat] Yayı eğip kiriş geçirmek maʹnâsınadır; yukâlu: جَحْمَظَ الْقَوْسَ إِذَا أَطَّرَهُ بِالْوَتَرِ Ve oğlanı dövmek için ellerini dizlerine muhkem bağlamak ʹalâ-kavlin mutlakan çekip bağlamak maʹnâsınadır; yukâlu: جَحْمَظَ الْغُلاَمَ إِذَا شَدَّ يَدَيْهِ عَلَى رُكْبَتَيْهِ لِيَضْرِبَهُ أَوْ أَوْثَقَهُ كَيْفَ كَانَ Ve sürʹatle seğirtmek maʹnâsınadır; yukâlu: جَحْمَظَ الرَّجُلُ إِذَا عَدَا سَرِيعًا Ve bodur kimsenin yürümesi gibi hurde hurde yürümek maʹnâsınadır; yukâlu: جَحْمَظَ الرَّجُلُ إِذَا مَشَى مَشْيَ الْقَصِيرِ
Sitemizde detaylı hızlı ve kolay arama ekranı