اَلْجَعْرَاءُ [el-caʹrâ΄] (سَوْدَاءُ [sevdâ΄] vezninde) Göte denir, إِسْتٌ [ist] maʹnâsına. Ve
جَعْرَاءُ [Caʹrâ΄] Belʹanber yaʹnî Temîm kabîlesinden Beni’l-ʹAnber cemaʹâtinin lakabıdır. Sebeb-i tesmiye budur ki onlardan Duġa bint Maġnec nâm hatunun zamân-ı vazʹ-ı hamli hulûl edip o hılâlde nevʹan ishâle dahi uğramakla vilâdet burusunu ishâl tekâzâsı zannıyla sahrâya sürʹat ve bir çukura kuʹûd edip iki buru birden hükmünü icrâ eylemekle hemîn defʹ-i tabîʹî eyledim kıyâsıyla kıyâm ve çadıra gelip darresine “يَا هَنْتَاهْ هَلْ يَفْغَرُ الْجَعْرُ فَاهْ” Yaʹnî “Gâ΄it ağızını açar mı?” diye istiknâh eyledikte darresi ʹâkile olmakla mâddeye intikâl edip, “Belî ağızını açmak değil, belki pederini bile çağırır!” diye kalkıp o çukurdan çocuğu alıp getirdi, ona mebnî cemâʹat-i mezbûreye جَعْرَاءُ [Caʹrâ΄] ıtlâk eylediler. Ve merkûme Duġa belâhette darb-ı meseldir.
Sitemizde detaylı hızlı ve kolay arama ekranı