اَلْجُفْرَةُ [el-cufret] (حُفْرَةٌ [ḩufret] vezninde) Göğüsün içerisine denir, جَوْفُ الصَّدْرِ [cevfu’ṡ-ṡadr] maʹnâsına, ʹalâ-kavlin karın ile iki yanları kavuşturan yere denir. Ve çukur şeklinde vâsiʹ olup değirmi olan arza denir. Cemʹi جِفَارٌ [cifâr]dır. Kâle’ş-şârih ve minhu hadîsu Ṯalḩa: “فَوَجَدْنَاهُ فِي بَعْضِ تِلْكَ الْجِفَارِ” وَهِيَ جَمْعُ جُفْرَةٍ أَيِ الْحُفْرَةُ الْوَاسِعَةُ الْمُسْتَدِيرَةُ Ve جُفْرَةُ اَلْفَرَسِ [cufretu’l-feres] at kısmının beline ıtlâk olunur; yukâlu: فَرَسٌ عَظِيمُ الْجُفْرَةِ أَيْ وَسَطِهِ Cemʹi جُفَرٌ [cufer] gelir, غُرَفٌ [ġuref] gibi ve جِفَارٌ [cifâr] gelir cîm’in kesriyle. Ve
جُفْرَةُ [Cufret] Baṡra’da bir mevziʹ adıdır ki onda yetmiş târîhinde ki Emeviyye ʹahdidir, bir ceng-i ʹazîm vâkiʹ olmuştur. Ve ekber-i kurrâ-i Baṡra’dan Caʹfer b. Ḩayyân el-ʹUṯâridî el-Cufrî, عَامُ الْجُفْرَةِ [ʹâmu’l-cufret]te yaʹnî sene-i mezbûrede tevellüd eylemekle ona nisbet olundu.
Sitemizde detaylı hızlı ve kolay arama ekranı