اَلْحَتَارُ [el-ḩatâr] (سَحَابٌ [seḩâb] vezninde) حِتْرٌ [ḩitr] gibi çadır eteklerine vasl eyledikleri parçaya denir. Ve bir nesneyi dâ΄iren-mâ-dâr ihâta eyleyen şey΄e denir, kulağın çevresinde olan zih ve çadır şukkalarının pervâzları ve tırnağı ihâta eden et ve kalbur ve elek kasnakları gibi. Ve
حَتَارٌ [ḩatâr] Dübür halkasına denir, ʹalâ-kavlin dübür ile kubul aralığına, ʹalâ-re΄yin hâyeler aralığında olan zih gibi uzun çizgiye denir. Ve gözün iç tarafından kapağın dâ΄iren-mâ-dâr zihine denir ki gözü ihâta eder. Ve devenin ağızının nihâyetinde olan azı dişi hey΄etinde olan et pâresine denir. Ve şol ipe denir ki kıl çadırların arkuru çevresine şerit gibi bend ederler ki ona tınâbları bağlanır.
Sitemizde detaylı hızlı ve kolay arama ekranı