حِدَاءُ [Ḩidâ΄] (كِتَابٌ [kitâb] vezninde) Esmâ-i ricâldendir: Ḩidâ΄ b. Nemire, Yemen’de bir kabîlenin pederidir; ve minhu’l-meselu: “حِدَأَ حِدَأَ وَرَاءَكِ بُنْدُقَةُ” ve Bunduḵa b. Mażża kezâlik Yemen’de bir kabîle pederidir. Ḩidâ΄, ibtidâ Bunduḵa kabîlesine şeb-hûn edip emvâl ü eşyâlarını nehb ü gâret eyledi, baʹde-burhetin Bunduḵa dahi igâre edip Ḩidâ΄ kabîlesini yek-ser mazhar-ı şemşîr-i intikâm eylediler. Bu mesel lisânımızda “Gâfil olma ʹArab ardında senin!” meselinin ʹaynıdır. Ve ʹalâ-kavlin burada حِدَاءٌ [ḩidâ΄] kelimesi حِدَأَةٌ [ḩide΄et]ten murahhamdır, zikr olunduğu üzere çaylak kuşuna denir ve بُنْدُقَةٌ [bunduḵat] tüfek fındığı olacaktır. Mesel-i mezbûr, müteʹakkab ve der-pey olan şerr-i mütekâribden tahzîr mevkiʹinde darb olunur.
Sitemizde detaylı hızlı ve kolay arama ekranı