اَلْحَقَبُ [el-ḩaḵab] (ḩâ’nın ve ḵâf’ın fethiyle) Şol kolana denir ki devenin asl kolan çekecek yerinden beriye yaʹnî zekeriyle asl kolanın aralığından çekilir; ʹalâ-kavlin şol kolana denir ki pâlân onunla devenin karnına bend olunur, yaʹnî asl kolandan başka bir ip dahi devenin pâlânına bağlanıp kıç ayakları tarafından dolaştırırlar tâ ki devenin sîne-bendi pâlânı ileriye çekmeye. Ve
حَقَبٌ [ḩaḵab] Masdar olur, zikr olunan kolan devenin zekerini basıp kaşanması güçlenmek maʹnâsına; yukâlu: حَقِبَ الْبَعِيرُ حَقَبًا مِنَ الْبَابِ الرَّابِعِ اِذَا تَعَسَّرَ عَلَيْهِ الْبَوْلُ مِنْ وُقُوعِ الْحَقَبِ عَلَى ثِيلِهِ Ve yağmur ve sâ΄ir nesne muhtebes olmak maʹnâsına istiʹmâl olunur; yukâlu: حَقِبَ الْمَطَرُ وَغَيْرُهُ أَيِ احْتَبَسَ Ve maʹden filizzâttan hâlî olmak maʹnâsına istiʹmâl olunur; yukâlu: حَقِبَ الْمَعْدِنُ اِذَا لَمْ يُوجَدْ فِيهِ شَيْءٌ Ve
حَقَبٌ [ḩaḵab] حِقَابٌ [ḩiḵâb] dedikleri nisvân kuşağına denir, ke-mâ se-yuzkeru.
Sitemizde detaylı hızlı ve kolay arama ekranı