رَقَاشِ [Reḵâşi] (قَطَامِ [ḵaṯâmi] vezninde) Aʹlâm-ı nisvândandır. Ve baʹzen munsarıf olur.
رَقَاشِ [Reḵâşi] (râ’nın fethi ve şîn’in kesri üzere binâsıyla) Bir ʹavretin ismidir. Ehl-i Ḩicâz bunu kesr üzere mebnî kılarlar. Kezâlik her ism ki فَعَالِ [faʹâli] vezni üzere ola fâ’nın fethiyle, kesr üzere mebnî kılarlar, فَاعِلَةٌ [fâʹilet]ten maʹdûl olduğundan ötürü ve elif lâm dâhil kılmazlar ve cemʹ etmezler, قَطَامِ [ḵaṯâmi] ve حَذَامِ [ḩažâmi] ve غَلَابِ [ġalâbi] gibi. Ve ehl-i Necd lâ-yansarıf mecrâsına icrâ ederler عُمَرُ [ʹumer] gibi; yekûlûne: هَذِهِ رَقَاشُ بِالرَّفْعِ Ve kıyâs dahi budur, zîrâ ism-i ʹalemdir, bunda ʹadl ve te΄nîsten gayrı bir nesne yoktur, illâ شَعَارِ [şeʹâri] ehl-i Ḩicâz lügati üzere vârid olmuştur. Bu zikr olunan ihtilâf âhirinde hârf-ı râ olmasadır ve eger âhirinde harf-i râ olursa جَعَارِ gibi ki ضَبُعٌ [ḋabuʹ]un ismidir, güftâr maʹnâsına. Ve حَضَارِ [ḩaḋâri] gibi ki bir yıldızın ismidir ve سَفَارِ [sefâri] gibi ki bir kuyunun ismidir bi΄r maʹnâsına ve وَبَارِ [vebâri] gibi ki bir yerin ismidir, bu makûle olanlarda ehl-i Necd ehl-i Ḩicâz’la müttefiktir, kesr üzere mebnî kılmada.
Sitemizde detaylı hızlı ve kolay arama ekranı