Kamus-ı Muhit - طبقة maddesi

Mü΄ellifin Baṡâ΄ir’de beyânına göre طَبَقٌ [ṯabaḵ] ve طَبَقَةٌ [ṯabeḵat] bir nesnenin muvâfıkı olan kapağa ve pûşîdesine mevzûʹ olup ve bi’t-teşbîh alt kata muvâfık gelen üst kata ve yüksek rütbeye ve dereceye ıtlâk olunur. Ve cemʹinde أَطْبَاقٌ [aṯbâḵ] ve طِبَاقٌ [tibâḵ] denir. İntehâ. Ve

طَبَقَةُ [Ṯabeḵat] ʹArabdan bir ʹâkıle hatun ismidir ki onu Şenn nâm bir ʹâkıl ve dânâ kimse tezevvüc eyledi; “وَافَقَ شَنٌّ طَبَقَةَ” meseli ondan neş΄et eylemiştir. Mütercim der ki bu meselin tafsîli Mustaḵṡa’l-Emšamp;âl nâm kitâbda mebsûttur. Ve ʹinde’l-baʹz bir kavmin bir kırbası var idi, istiʹmâl ederek ona bir kapak düzdüler. Ve kapak be-gâyet uygun gelmekle “وَافَقَ شَنٌّ طَبَقَةَ” dediler. Yâhûd طَبَقَةُ [Ṯabeḵat] İyâd kabîlesinden bir cengâver bahâdır cemâʹat idi, dâ΄imâ nâsa musallıt ve şer-gîr olup bir kabîle onlara mukâvemet edemezler idi. Lâkin Şenn kabîlesi dahi nâmdâr pehlivânân olmakla طَبَقَةُ [Ṯabaḵat] kabîlesini şeb-hûn edip onlardan sâ΄irlerin dâd ve intikâmını ahz etmeleriyle mesel-i mezbûru îrâd eylediler. Bir nesne bir âher şey΄e pek münâsib ve çesbân geldikte îrâd olunur.

Vankulu Lugatı - طبقة maddesi

طَبَقَةٌ [Ṯabeḵat] (fethateynle) İyâd nâm bir kabîlenin içinden bir cemâʹatın ismidir. Ve ʹArabların “وَافَقَ شَنٌّ طَبَقَهْ” dediklerin tefsîr edip İbnu’s-Sikkît eyitti: شَنٌّ [Şenn] bir kabîlenin babası adıdır ki o Şenn b. ʹAbdulḵays’tır. Ve

طَبَقٌ [Ṯabaḵ] İyâd kabîlesinden bir cemâʹattir, nitekim mürûr etti. Ve Şenn kabîlesi şedîd kabîle olup kimse onlarla mukâvemet edemeyicek طَبَقَةٌ [Ṯabeḵat] cemâʹati onlara râst gelip mukâvemet ettiklerinde “وَافَقَ شَنٌّ طَبَقَهْ وَافَقَهُ فَاعْتَنَقَهْ” dediler. Ve إِعْتِنَاقٌ [iʹtinâḵ] ʹayn-ı mühmele ile birbirinin boynuna sarmaşmaktır.