ظَفَارِ [Żafâri] (قَطَامِ [ḵaṯâmi] vezninde) Yemen’de şehr-i Ṡanʹâ kurbünde bir belde adıdır; cezʹ-i Yemânî ki göz boncuğu dedikleridir, oraya nisbet olunur. Ve yine Yemen’de Mirbâṯ kurbünde bir şehr-i âher ismidir; ḵusṯ-ı Żafârî ona mensûbdur, zîrâ Hindistân’dan doğru oraya gelip diyâr-ı âherlere oradan münteşir olur. Ve yine şehr-i Ṡanʹâ’nın cânib-i yemîninde ve cânib-i şimâlinde birer hısn ismleridir; evvelki Żafâru Zeyd ve ikinci Żafâru’ż- Żâhir ile müştehirdir.
ظَفَارِ [Żafâri] (żâ’nın fethi ve râ’nın kesri üzere binâsıyla) Yemen’de bir şehrin adıdır; yukâlu: “مَنْ دَخَلَ ظَفَارِ حَمَّرَ” Yaʹnî “Żafâr şehrine dâhil olan, Benî Ḩimyer lügatin tekellüm etmek gerek.”Ve yukâlu: جَزْعٌ ظَفَارِيٌّ وَعُودٌ ظَفَارِيٌّ Ve جَزْعٌ [cezʹ] cîm’in fethi ve zâ-i muʹcemenin sükûnu ve ʹayn-ı mühmele ile şol boncuktur ki akla ve kara ile alaca olmağın gözü ona teşbîh ederler. Ve عُودٌ [ʹûd] ʹayn-ı mühmelenin zammı ve meddiyle maʹrûf ağaçtır ki onunla buhûr edinirler.
Sitemizde detaylı hızlı ve kolay arama ekranı