طُوَيْسٌ [Ṯuveys] (زُبَيْرٌ [zubeyr] vezninde) Bir muhannes ismidir. Mukaddemâ ismi Ṯâvûs olup baʹde’t-tahannüs tahkîren Ṯuveys ıtlâk eylediler. Künyesi Ebû ʹAbdunnaʹîm idi, İslâm’da en evvel tarab ve tegannî eden mezbûrdur. ḣأَشْأَمُ مِنْ طُوَيْسٍḢ meselinin menşeidir. Vâlidesi be-gâyet nemmâme ve müfside olmakla nisvân-ı ensâr beynlerini dâ΄ima gamz ve nemîme ile ifsâd ve tahrîş eder idi. O hâl üzere güzârende-i leyâl iken Fahr-i enâm ʹaleyhi’s-selâm hazretleri mele-i aʹlâya iʹtizâmları gecesinde mezbûru vazʹ ve tevlîd eyledi. Ve Ebû Bekr eṡ-Ṡiddîḵ radıyallâhu ʹanhu vefât eylediği gün sütten kesilip ve Fârûḵ-ı aʹżam radıyallâhu ʹanhu vefât eylediği gün bâlig olup ve Hazret-i ʹOšamp;mân radıyallâhu ʹanhu şehîd olduğu gün tezevvüc edip ve İmâm ʹAlî kerremallâhu vechehu şehîd oldukları gün bir veledi dünyâya geldiğini kendisi nakl ve ḣفَمَنْ مِثْلِيḢ diyerek uğursuzlukta yegâne olduğunu iʹtirâf eder idi.
Sitemizde detaylı hızlı ve kolay arama ekranı