Mü΄ellifin Baṡâ΄ir’de beyânına göre cemâʹât-i insâniyye tertîb-i aʹzâ΄ üzere mürettebdir, ibtidâ قَبِيلَةٌ [ḵabîlet]tir, badehu شَعْبٌ [şaʹb] ve عِمَارَةٌ [ʹimâret] ki sadr maʹnâsınadır, baʹdehu بَطْنٌ [baṯn] ve فَخِذٌ [feḣiž] ve فَصِيلَةٌ [feṡîlet]tir. Ve aʹzamları حَيٌّ [ḩayy]dır ki mecmûʹunu câmiʹdir. İntehâ. Ve
قَبِيلَةٌ [ḵabîlet] At geminin başlık dedikleri kayışların her birisine denir; mecmûʹuna قَبَائِلُ [ḵabâ΄il] denir; yukâlu: لِجَامٌ حَسَنُ الْقَبَائِلِ أَيِ السُّيُورِ Ve kuyu ağzının kenârında olan sahreye ve hacer-i kebîre denir. Ve Ḩuṡayn b. Mirdâs’ın feresi ismidir.
Sitemizde detaylı hızlı ve kolay arama ekranı