اَلْقُبَابُ [el-ḵubâb] (ḵâf’ın zammıyla) أُطُمٌ [uṯum] maʹnâsınadır ki kule dediğimiz hısndır, selefte Medîne’de meskenlerinin sathına adam boyu kadar şaranpolar ve bârûlar çevirip ve câ-be-câ mazgal ve metrisler ederler idi. Hâlen Mekke’de Şerîf hazretlerinin hâneleri dahi öylece meşhûdumuz olmuştur. Ve
قُبَابٌ [ḵubâb] Be-gâyet keskin ve kâtıʹ olan hançer ve kılıç ve gaddâre makûlesine denir. Ve iri ve büyük buruna denir,أَنْفٌ ضَخْمٌ وَعَظِيمٌ maʹnâsına.
قِبَابٌ [Ḵibâb] (كِتَابٌ [kitâb] vezninde) Semerḵand türâbında bir mevziʹdir. Ve Neysâbûr şehrinde bir mahalledir. Ve Necd ülkesinde Baṡra huccâcının yolunda bir mevziʹ ve Mıṡır’ın taraf-ı esfelinde bir karye adıdır. Ve Baġdâd nevâhîsinden Baʹḵûbâ kurbünde bir karye adıdır. Ve bir nevʹ balık ismidir. Ve
قِبَابٌ [ḵibâb] قُبَّةٌ [ḵubbet]in cemʹidir, künbedler maʹnâsına. Ve büyût-ı ʹArabdan ki haşem-nişîn olacaklardır, müdevver olan alaçıklara ve har-gâhlara denir.
Sitemizde detaylı hızlı ve kolay arama ekranı