مَتَّى [Mettâ] (حَتَّى [ḩattâ] vezninde, ʹalâ-kavlin fekk-i idgâmla مَتَتَى [Metetâ]) Yûnus peygamber ʹalâ-nebiyyinâ ve ʹaleyhi’s-selâm hazretlerinin pederleri ismidir. Şârih der ki cumhûr-ı muhaddisîn ʹindinde Mettâ, Hazret-i Yûnus’un vâlideleri ismidir. Ve
مَتَّى [Mettâ] Muhaddisînden Muḩammed b. Yaḩyâ el-Medenî ceddinin ismidir. Ve
مَتَّى [mettâ] Muhaffef olan مَتَى [metâ] kelimesinde lügattir ki ism-i istifhâm ve ism-i şart olur.
مَتَى [metâ] (mîm’in fethi ve elifin kasrıyla) Hurûf-ı leyyinede mezkûrdur.
مَتَى [metâ] (mîm’in fethi ve elifin kasrıyla) Zarf-ı gayr-i mütemekkindir ki onunla zamândan su΄âl olunur. Ve gâh olur mücâzât için dahi istiʹmâl olunur. Aṡmaʹî eyitti: مَتَى Hužeyl lügati üzere gâh olur مِنْ [min]-i cârre maʹnâsına istiʹmâl olunur, nitekim baʹzı şâʹirin şiʹrinde “مَتَى لَجَجٍ” vâkiʹ olmuştur, مِنْ لَجَجٍ maʹnâsına. Ve لَجَجٌ [lecec] لَجَّةٌ [leccet]in cemʹidir, mevc-i deryâ maʹnâsına. Ve gâh olur ki vasat maʹnâsına olur, nitekim baʹzı ʹArabdan وَضَعْتُهُ مَتَى كُمِّي istimâʹ olunmuştur, وَسْطَ كُمِّي maʹnâsına, Ebû ʹUbeyd rivâyeti üzere.
Sitemizde detaylı hızlı ve kolay arama ekranı