أَجْيَادُ [ecyâd] (hemzenin fethiyle) Bir koyun adıdır. Ve Mekke türâbında bir arz yâhûd bir dağın adıdır. Tubbaʹ-ı Yemen’in hayli yaʹnî atları orada ârâm etmeleriyle Ecyâd ile tesmiye olundu. Şârih der ki güyâ جَوَادٌ [cevâd] cemʹi olan أَجْيَادٌ [ecyâd] ile müsemmâ olmuştur, lâkin جَوَادٌ [cevâd]ın cemʹi جِيَادٌ [ciyâd] ve أَجْيَادٌ [ecyâd] olmakla mü΄ellifin bu tevcîhi sedîd değildir, belki ümerâ-yı ʹArabdan Muḋâḋ orada ʹAmâliḵa’dan yüz nefer kimsenin boyunlarını vurmakla Ecyâd ile tesmiye olundu. Ve Nihâye’de جِيَادٌ [ciyâd] ʹunvânında mersûmdur, mü΄ellifin tevcîhi ona mülâyim olur.
اَلْأَجْيَادُ [el-ecyâd] جَوَادٌ [cevâd]ın cemʹidir, şîr-merdânlar maʹnâsına. Ve
أَجْيَادٌ [Ecyâd] Mekke-i müşerrefede bir dağın adıdır, Tubbaʹ tâ΄ifesinin atları onda durduğu için, nitekim silâhları durğu yere قُعَيْقِعَانُ [Ḵuʹayḵiʹân] derler, ḵâf’ın zammı ve ʹayn-ı mühmelenin fethi ve ḵâf-ı sâniyenin kesriyle. Ve تُبَّعٌ [Tubbaʹ] tâ’nın zammı ve bâ’nın fethiyle ve teşdîdiyle Yemen beylerindendir; cemʹi تَبَابِعَةٌ [tebâbiʹat] gelir.
Sitemizde detaylı hızlı ve kolay arama ekranı