اَلْحُبَقُ [el-ḩubaḵ] (صُرَدٌ [ṡurad] vezninde) Kalîlü’l-ʹakl olan adama denir; mü΄ennesi حُبَقَةٌ [ḩubaḵat]tır.
اَلْحَبَقُ [el-ḩabaḵ] (fethateynle) Bir hoş-bû nebât adıdır ki Fârisîde fûtenc denir, نَمَّامٌ [nemmâm] dedikleri nebâtâ şebîh olur. Bu nebât, yarpuz dedikleri nebâttır.
اَلْحِبْقُ [el-ḩibḵ] (ḩâ’nın kesriyle) ve
اَلْحُبَاقُ [el-ḩubâḵ] (غُرَابٌ [ġurâb] vezninde) Osuruğa denir; ekserî deve ve koyun ve keçi kısmında müstaʹmeldir. Ve
حُبَاقٌ [ḩubâḵ] Masdar olur, ke-mâ se-yuzkeru.
اَلْحَبْقُ [el-ḩabḵ] (سَبْقٌ [sebḵ] vezninde) ve
اَلْحَبِقُ [el-ḩabiḵ] (كَتِفٌ [ketif] vezninde) ve
اَلْحُبَاقُ [el-ḩubâḵ] (غُرَابٌ [ġurâb] vezninde) Osurmak maʹnâsınadır; yukâlu: حَبَقَ الْبَعِيرُ حَبْقًا وَحَبِقًا وَحُبَاقًا مِنَ الْبَابِ الثَّانِي إِذَا ضَرَطَ Ve
حَبْقٌ [ḩabḵ] Cerîd ve urgan ve kamçı makûlesiyle vurmak maʹnâsınadır; yukâlu: حَبَقَ فُلاَنًا إِذَا ضَرَبَهُ بِالْجَرِيدِ وَبِالْحَبْلِ وَبِالسَّوْطِ
اَلْحَبَقُ [el-ḩabaḵ] (fethateynle) Bir cins ottur ki tabîbler katında maʹrûftur, Fârisî dilinde bûteng derler.
اَلْحَبِقُ [el-ḩabiḵ] (ḩâ’nın fethi ve bâ’nın kesriyle) Yellenmek, رُدَامٌ [rudâm] maʹnâsına; yukâlu: حَبَقَ يَحْبِقُ حَبِقًا مِنَ الْبَابِ الثَّانِي
Sitemizde detaylı hızlı ve kolay arama ekranı