اَلنَّمَطُ [en-nemaṯ] (fethateynle) Mutlakan döşek yüzüne denir ki alaca nihâlî ve çit taʹbîr eyledikleridir. ʹAlâ-kavlin bir gûne döşemeye denir. Ve üslûb ve tarîka maʹnâsına müstaʹmeldir; yukâlu: إِلْزَمْ هَذَا النَّمَطَ أَيِ الطَّرِيقَةَ Ve nevʹ ve gûne maʹnâsına müstaʹmeldir; yukâlu: لَيْسَ هَذَا مِنْ ذَلِكَ النَّمَطِ أَيِ النَّوْعِ Ve şol cemâʹate ıtlâk olunur ki umûrları vâhid yaʹnî yek-renk ve yek-cihet olalar. Kâle’ş-şârih ve minhu hadîsu ʹAlî kerremallâhu vechehu: “خَيْرُ هَذِهِ الْأُمَّةِ النَّمَطُ الْأَوْسَطُ” وَالنَّمَطُ اَلْجَمَاعَةُ مِنَ النَّاسِ أَمْرُهُمْ وَاحِدٌ كَرِهَ عَلِيٌّ اَلْغُلُوَّ وَالتَّقْصِيرَ فِي الدِّينِ Ve
نَمَطٌ [nemaṯ] Yünden mensûc bir gûne sevb ismidir ki hevdec örtüsü ederler, ince havı olur ki hâlen ihrâm ettiğimiz olacaktır. Cemʹi أَنْمَاطٌ [enmâṯ] ve نِمَاطٌ [nimâṯ] gelir nûn’un kesriyle. Ve nisbetinde أَنْمَاطِيٌّ [enmâṯiyy] denir, أَنْصَارِيٌّ [enṡâriyy] gibi ve نَمَطِيٌّ [nemeṯiyy] denir ki kıyâs üzere müfredine mensûbdur. Ve
اِبْنُ الْأَنَمَاطِيِّ [İbnu’l-Enmâṯiyy] İsmâʹîl b. ʹAbdullâh b. ʹAbdulmuḩsin nâm fakîh ve bâriʹdir.
اَلنَّمَطُ [en-nemaṯ] (fethateynle) Döşenilen nesnelerden bir nevʹdir.
Sitemizde detaylı hızlı ve kolay arama ekranı