اَلْحَفِيُّ [el-ḩafiyy] (غَنِيٌّ [ġaniyy] vezninde) ve
اَلْحَافِي [el-ḩâfî] İsm-i fâʹillerdir. Ve bir adama mübâlaga vech üzere nüvâziş ve ikrâm edip ve ona izhâr-ı bişr ü sürûr eder olan adama denir; yukâlu: رَجُلٌ حَفِيٌّ وَحَافٍ أَيْ يُبَالِغُ فِي الْإِكْرَامِ وَيُظْهِرُ السُّرُورَ وَالْفَرَحَ Ve hakkında himmet eylemek için bir adamın hâlini pek su΄âl ve istiksâ eder olan adama denir. Ve
حَفِيٌّ [ḩafiyy] ʹİlmi istiksâ΄ vechiyle taʹallüm ve tahsîl eden ʹâlime denir; yukâlu: هُوَ عَالِمٌ حَفِيٌّ إِذَا كَانَ قَدْ تَعَلَّمَ بِاسْتِقْصَاءٍ Ve su΄âlde ilhâh ve ibrâm eden kimseye denir; cemʹi حُفَوَاءُ [ḩufevâ΄] gelir, حُنَفَاءُ [ḩunefâ΄] vezninde; yukâlu: رَجُلٌ حَفِيٌّ أَيْ مُلِحٌّ فِي سُؤَالِهِ
اَلْحَفْيُ [el-ḩafy] (ḩâ’nın fethi ve fâ’nın sükûnuyla) Bir nesneyi sifâriş edip ısmarlamada mübâlaga etmek; tekûlu: حَفِيتُ إِلَيْهِ بِالْوَصِيَّةِ إِذَا بَالَغْتَ Hakâhu Ebû ʹUbeyd.
اَلْحَفِيُّ [el-ḩafî] (ḩâ’nın fethi ve fâ’nın kesri ve meddiyle) Ayağı aşınan kimse.
Sitemizde detaylı hızlı ve kolay arama ekranı