اَلْخَرُوعُ [el-ḣarûʹ] (صَبُورٌ [ṡabûr] vezninde) Bu dahi خَرِيعَةٌ [ḣarîʹat] maʹnâsınadır.
اَلْخَرَاعَةُ [el-ḣarâʹat] (كَرَامَةٌ [kerâmet] vezninde) ve
اَلْخُرُوعُ [el-ḣurûʹ] ve
اَلْخُرْعُ [el-ḣurʹ] (ḣâ’ların zammıyla) Bedende en ve oynak yerleri sölpük ve gevşek olmak maʹnâsınadır; yukâlu: خَرُعَ الرَّجُلُ وَخَرُعَ مَفْصِلُهُ خَرَاعَةً وَخُرُوعًا وَخُرْعًا مِنَ الْبَابِ الْخَامِسِ إِذَا لاَنَ وَاسْتَرْخَى
اَلْخِرْوَعُ [el-ḣirvaʹ] (دِرْهَمٌ [dirhem] vezninde) Bir nevʹ nebât ismidir ki raʹy olunmaz, Türkîde genegerçek dedikleri nebâttır; taşra memleketlerde rustâyîler yağını çıkarıp şîrûgan gibi yakarlar ve mevâşî raʹy eylese karnı şişip helâk olur. Ve bu سِمْسِمٌ [simsim] gibi mezrûʹâttandır.
اَلْخِرْوَعُ [el-ḣirvaʹ] (ḣâ’nın kesri ve vâv’ın fethiyle دِرْهَمٌ [dirhem] vezni üzere) Kene otu dedikleri ottur ki tabîbler katında maʹrûftur. Ve her ot ki zaʹîf olup zaʹfından eğile ona خِرْوَعٌ [ḣirvaʹ] derler. Ve خِرْوَعٌ [ḣirvaʹ] vezni üzere kelâm-ı ʹArabda hemîn iki kelime gelmiştir: Biri خِرْوَعٌ [ḣirvaʹ] ve biri عِتْوَدٌ [ʹİtved]dir ki عِتْوَدٌ [ʹİtved] bir derenin ismidir.
Sitemizde detaylı hızlı ve kolay arama ekranı