اَلرَّجْمَةُ [er-recmet] (râ’nın fethiyle ve zammıyla) Bu dahi kabr ve mezâra denir.
اَلرُّجْمَةُ [er-rucmet] (غُرْفَةٌ [ġurfet] vezninde) Bu dahi kabr üzere nasb olunan taşlara denir; cemʹi رُجَمٌ [rucem] gelir,صُرَدٌ [ṡurad] vezninde ve رِجَامٌ [ricâm] gelir,جِبَالٌ [cibâl] vezninde.Ve ʹalâ-kavlin رُجُمٌ [rucum] ve رُجْمَةٌ [rucmet] kabr üzere nasb olunan taştan ʹalâmet ve nişâna denir ki seng-i mezâr olacaktır. Ve
رُجْمَةٌ [rucmet] Sırtlan inine denir وِجَارُ الضَّبُعِ [vicâru’ḋ-ḋabuʹ] maʹnâsına. Ve meyvesi firâvân olan hurmâ ağacı yıkılmamak için pâyende ve destek tarzında yukarısına doğru yaptıkları sedde ve sekiye denir,رُجْبَةٌ [rucbet] dahi denir.
اَلرُّجْمَةُ [er-rucmet] (râ’nın zammı ve cîm’in sükûnuyla) Yapı taşından kiçirek olan taşlardır, gûyâ ki atılmağa kâbil olduğu için رُجْمَةٌ [rucmet] demişlerdir. Ve gâh olur ki onu kabr üzerinde cemʹ ederler, kabri مُسَنَّمٌ [musennem] yaʹnî hörgüçlü kılmak için. Ve
رُجْمَةٌ [rucmet] Yeleli kurt eniğine dahi derler, وِجَارُ الضَّبُعِ maʹnâsına.
Sitemizde detaylı hızlı ve kolay arama ekranı