Kamus-ı Muhit - القران maddesi

اَلْقَرَّانُ [el-ḵarrân] (شَدَّادٌ [şeddâd] vezninde) Şîşeye denir, قَارُورَةٌ [ḵârûret] maʹnâsına.

اَلْقِرَانُ [el-ḵirân] (كِتَابٌ [kitâb] vezninde) Bu dahi çift öküzlerinin boyunlarına geçirdikleri zivleye denir. Ve masdar olur, hacc ile ʹumreyi cemʹ eylemek maʹnâsına ki niyyet-i vâhide ve telbiye-i vâhide ve ihrâm ve saʹy ve tavâf-ı vâhide ile cemʹ eylemekten ʹibârettir, hacc-ı ifrâd mukâbilidir; yukâlu: قَرَنَ بَيْنَ الْحَجِّ وَالْعُمْرَةِ قِرَانًا مِنَ الْبَابِ الْأَوَّلِ إِذَا جَمَعَ وَيُقَالُ أَقْرَنَ فِي لُغَيَّةٍ كَمَا سَيُذْكَرُ Ve hurmâ koruğu ibsâr ile irṯâb beynini cemʹ eylemek maʹnâsına müstaʹmeldir ki bir tarafı henüz koruk ve bir tarafı olmuş olur, alaca taʹbîr olunur ve o hurmâya قَارِنٌ [ḵârin] denir; yukâlu: قَرَنَ الْبُسْرُ إِذَا جَمَعَ بَيْنَ الْإِبْسَارِ وَالْإِرْطَابِ Ve iki hurmâyı yanaştırıp bir lokma eylemek maʹnâsınadır ki bir niçe kimseler hâzır oldukları hâlde hurmâ ekline mübâşeret eyleseler, birer birer yemek lâzımdır, ikişer ikişer ekl eylemek refîkleri izn vermedikçe menhîdir; yukâlu: قَرَنَ الرَّجُلُ إِذَا جَمَعَ بَيْنَ التَّمْرَتَيْنِ فِي الْأَكْلِ Ve

قِرَانٌ [ḵirân] Şol oklara denir ki birbirine müsâvî olup ve bir okçunun işi ola; bunun müfredi قَرِينٌ [ḵarîn]dir. Ve

قِرَانٌ [ḵirân] مُفَاعَلَةٌ [mufâʹalet]ten masdar olur, mukârenet maʹnâsına. Ve bir adama yâ bir nesneye yâr ve hem-dem ve musâhib olmak maʹnâsınadır; yukâlu: قَارَنَهُ مُقَارَنَةً وَقِرَانًا إِذَا صَاحَبَهُ

Vankulu Lugatı - القران maddesi

اَلْقِرَانُ [el-ḵirân] (ḵâf’ın kesriyle) Haccla ʹumrenin mâ-beynin cemʹ etmek; tekûlu: قَرَنَ بَيْنَ الْحَجِّ وَالْعُمْرَةِ قِرَانًا Ve

قِرَانٌ [ḵirân] Şol ipe dahi derler ki iki deveyi onda cemʹ ederler. Ve

قِرَانٌ [ḵirân] Musâhib olmağa dahi derler; tekûlu: قَارَنْتُهُ قِرَانًا إِذَا صَاحَبْتَهُ Ve

قِرَانُ الْكَوَاكِبِ [ḵirânu’l-kevâkib] dahi bundandır. Ve

قِرَانٌ [ḵirân] İki hurmânın eklde mâ-beynin cemʹ etmeğe dahi derler. Ve

قِرَانٌ [ḵirân]Şol oklara dahi derler ki bir kimsenin işi ola. Ve

قِرَانٌ [ḵirân] Ok atışmada iki oku birbirine karîb atmağa dahi derler: يُقَالُ لِلْقَوْمِ إِذَا تَنَاضَلُوا اُذْكُرُوا الْقِرَانَ أَيْ وَالُوا بَيْنَ سَهْمَيْنِ سَهْمَيْنِ Yaʹnî her iki okun arasın ulaştırın.