اَلْكَرْوَانُ [el-Kervân] (سَلْمَانُ [selmân] vezninde) Ṯûs kazâsında bir karye adıdır. Ve keklik kuşunun erkeğine denir, حَجَلٌ [ḩacel ve قَبْجٌ [ḵabc] maʹnâsınadır; mü΄ennesi كَرْوَانَةٌ [kervânet]tir, cemʹi كَرَاوِينُ [kerâvîn] ve كِرْوَانٌ [kirvân] gelir kâf’ın kesriyle. Ve erkeğine كَرَا [kerâ] dahi denir, عَصَا [ʹaṡâ] vezninde. Ve minhu’l-meselu: “أَطْرِقْ كَرَا أَطْرِقْ كَرَا || إِنَّ النَّعَامَةَ فِي الْقُرَى ||بِغَاثُكُمْ فِي أَرْضِنَا || اسْتَنْسَرَا اسْتَنْسَرَا” Bu mesel bir adam nerm ve hoş-âmed sözler ile menâfiʹ irâ΄et ederek igfâl ile maksûd olan gâ΄ileye düşürmek mevkiʹinde darb olunur, lâkin ümmehât-ı sâ΄irede كَرَا [kerâ] ve كَرْوَانُ [kervân] toy kuşu nevʹinden çağırgan toy dedikleriyle mübeyyendir, kervân kuşu dahi derler.
اَلْكَرَوَانُ [el-kerevân] (fethateynle) Bir cins kuşun ismidir ki o ağaçdelen demekle maʹrûf olan kuştur demişler, çûbîne maʹnâsına. Ve baʹzılar toy demekle maʹrûf olan kuştur demişler, meşhûr olan dahi budur.
اَلْكِرْوَانُ [el-kirvân] (kâf’ın kesri ve râ’nın sükûnuyla) كَرَوَانٌ [kerevân]ın cemʹidir, ʹalâ-hilâfi’l-kıyâs وِرْشَانٌ [virşân] وَرَشَانٌ [vereşân]ın cemʹi olduğu gibi. Ve وِرْشَانٌ [virşân] kumru demekle maʹrûf olan kuştur. Ve bu zevâyid hazfiyle olan cemʹdir, gûyâ ki كَرِي [kerî]yi cemʹ etmişlerdir, أَخٌ [aḣ]le إِخْوَانٌ [iḣvân] gibi.
Sitemizde detaylı hızlı ve kolay arama ekranı