اَلْمَلْحَةُ [el-melḩat] (طَلْحَةُ [ṯalḩat] vezninde) Deryânın engin yerine denir, لُجَّةُ الْبَحْرِ [luccetu’l-baḩr] maʹnâsına.
اَلْمُلْحَةُ [el-mulḩat] (جُرْعَةٌ [curʹat] vezninde) Mehâbet ve bereket maʹnâlarınadır. Ve مِلْحٌ [milḩ] lafzından müfred olur ki hoş ve dil-keş ve latîf kelâma denir. Ve siyâhla mümtezic aklığa denir ki alacalıktır. Ve pek gökçelik maʹnâsına ismdir, şiddet-i zerak maʹnâsına.
اَلْمِلْحَةُ [el-milḩat] (mîm’in kesriyle) مِلْحٌ [milḩ] gibi hürmet ve zimâm ve peymân maʹnâsına istiʹmâl olunur; yukâlu: بَيْنَهُمَا مِلْحٌ وَمِلْحَةٌ أَيْ حُرْمَةٌ وَحِلْفٌ وَفِي اْلأَمْثَالِ “فُلاَنٌ مِلْحُهُ عَلَى رُكْبَتِهِ” أَيْ لاَ وَفَاءَ لَهُ أَوْ سَمِينٌ أَوْ حَدِيدٌ فِي غَضَبِهِ
اَلْمُلْحَةُ [el-mulḩat] (mîm’in zammı ve lâm’ın sükûnuyla) Hadîsten bir nevʹdir.
Sitemizde detaylı hızlı ve kolay arama ekranı