اَلْخَشِنُ [el-ḣaşin] (كَتِفٌ [ketif] vezninde) ve
اَلْأَخْشَنُ [el-aḣşen] (أَحْمَرُ [aḩmer] vezninde) Vasflardır, sert ve dürüşt nesneye denir; cemʹi خِشَانٌ [ḣişân]dır, كِتَابٌ [kitâb] vezninde; mü΄ennesi خَشِنَةٌ [ḣaşinet] ve خَشْنَاءُ [ḣaşnâ΄]dır; yukâlu: شَيْءٌ خَشِنٌ وَأَخْشَنُ أَيْ أَحْرَشُ
اَلْخَشَانَةُ [el-ḣaşânet] (سَلَامَةٌ [selâmet] vezninde) ve
اَلْخَشْنُ [el-ḣaşn] (ḣâ’nın fethiyle) ve
اَلْمَخْشَنَةُ [el-maḣşenet] (مَرْحَلَةٌ [merḩalet] vezninde) ve
اَلْخُشُونَةُ [el-ḣuşûnet] (ḣâ’nın zammıyla) ve
اَلْخُشْنَةُ [el-ḣuşnet] (غُرْفَةٌ [ġurfet] vezninde) Bir nesne sert ve dürüşt olmak maʹnâsınadır; yukâlu: خَشُنَ الشَّيْءُ خَشَانَةً وَخَشْنًا وَمَخْشَنَةً وَخُشُونَةً وَخُشْنَةً مِنَ الْبَابِ الْخَامِسِ ضِدُّ لَانَ Ve tekûlu’l-ʹArab: هُوَ خَشِنُ الْجَانِبِ وَأَخْشَنُهُ وَذُو خُشْنَةٍ وَخُشُونَةٍ أَيْ صَعْبٌ لَا يُطَاقُ Yaʹnî filân kes yâhûd filân at zabt ve tahammülü muhâl derecesinde sert ve serkeştir, niteki mukâbilinde sehlü’l-ʹatf ve leyyînü’l-cânib taʹbîr olunur.
اَلْخُشْنُ [el-ḣuşn] (ḣâ’nın zammı ve şîn’in sükûnuyla) Cemʹi. Ve
خُشْنٌ [ḣuşn] Silâhı çok kimseler maʹnâsına da gelir; yukâlu: مَعْشَرٌ خُشْنٌ Ve şîn’in şiʹrde tahrîki dahi câ΄izdir.
اَلْخَشِنُ [el-ḣaşin] (ḣâ’nın fethi ve şîn’in kesriyle) İri olan nesne.
Sitemizde detaylı hızlı ve kolay arama ekranı