اَلدَّلَّالُ [ed-dellâl] (شَدَّادٌ [şeddâd] vezninde) Bâyiʹ ile müşterî beynini câmiʹ olan adama denir ki lisânımızda dahi muʹteberdir, دَلَالَةٌ [delâlet]ten mübâlagadır. Ve muhaddisînden bir cemâʹatin ismleridir.
اَلدَّلُّ [ed-dell] (dâl’ın fethi ve lâm’ın teşdîdiyle) ve
اَلدَّلَالُ [ed-delâl] (سَحَابٌ [seḩâb] vezninde) ve
اَلدَّالُولَاءُ [ed-dâlûlâ΄] (medd ile) Nâz ve şîve ve ʹişveye denir, zevce zevcine cür΄et yaʹnî küstâhlık sûretini zâhiren muhâlefet eder gibi göstermekten ʹibârettir, hakîkatte murâdı muhâlefet değildir; yukâlu: هِيَ حَسَنَةُ الدَّلِّ وَالدَّلَالِ وَالدَّالُولَاءِ وَهُوَ تَدَلُّلُهَا عَلَى زَوْجِهَا تُرِيهِ جُرْأَةً عَلَيْهِ فِي تَغَنُّجٍ وَتَشَكُّلٍVe
دَلٌّ [dell] ve
دَلَالٌ [delâl] Masdar olur, nâz ve şîve eylemek maʹnâsınadır; yukâlu: دَلَّتِ الْمَرْأَةُ عَلَى زَوْجِهَا دَلًّا وَدَلَالًا مِنَ الْبَابِ الثَّانِي إِذَا أَظْهَرَتْ جَرَاءَةً عَلَيْهِ فِي تَغَنُّجٍ وَتَشَكُّلٍ كَأَنَّهَا تُخَالِفُهُ وَمَا بِهَا خِلَافٌ Ve
دَلٌّ [dell] Vakâr ve sekînet ve hüsn-i manzar ve hüsn-i sîret maʹnâsınadır; yukâlu: مَا أَحْسَنَ دَلَّهُ أَيْ هَدْيَهُ
اَلدَّلَالُ [ed-delâl] (dâl’ın fethiyle ve lâm-ı ûlânın tahfîfiyle) Kezâlik nâzlanmak.
Sitemizde detaylı hızlı ve kolay arama ekranı