اَلرَّحْبَةُ [er-Raḩbet] (قَحْبَةٌ [ḵaḩbet] vezninde) Furât üzerinde bir belde adıdır. Bânîsi olan Raḩbe b. Mâlik b. Ṯavḵ ismiyle müsemmâdır. Ve Dimaşḵ kazâsında bir karye ve Dimaşḵ’ta bir mahalle ve Kûfe’de bir mahalle ve Baġdâd kazâsında bir mevziʹ ismleridir. Ve Ṯayyi΄ ve Žubyân kabîleleri meyânında Šelebût nâm mahalde bir deredir. Ve bâdiyede bir mevziʹdir. Ve Yemâme kazâsında bir karye ve bir sahrâ΄ adıdır ki kurâ-yı kesîre ve miyâh-ı vefîreyi müştemildir. Ve رَحْبَةٌ [Raḩbet]in nisbetinde رَحَبِيٌّ [Raḩabiyy] denir, fethateynle.
اَلرَّحَبَةُ [er-raḩabet] (fetehâtla ve ḩâ’nın sükûnuyla lügattir) Bir mekânın fezâ ve meydânına denir, avlu ve sâhası gibi ki açık ve arsası vüsʹatli yeri olacaktır, رَحَبَةُ الْمَسْجِدِ [raḩabetu’l-mescid] ve رَحَبَةُ الدَّارِ [raḩabetu’d-dâr] avlularıdır. Ve
رَحَبَةُ الْوَادِي [raḩabetu’l-vâdî] Çayın ve derenin suları aktığı akıntı yerleridir ki iki taraflı bayırlardan gelen sular oraya cereyân edip ve oradan akıp gider.
اَلرُّحْبَةُ [er-Ruḩbet] (جُرْعَةٌ [curʹat] vezninde) Ece΄ nâm cebelde bir su adıdır. Ve arz-ı Mekke’de Žî Žerevân nâm mahalde bir kuyu adıdır. Ve Hužeyl kabîlesi bilâdında Şemenṡîr nâm cebele mülâsık derede bir kuyu adıdır. Ve ʹIrâḵ’ta Ḵâdisiyye karşısında bir karyedir. Ve Yemen’de şehr-i Ṡanʹâ kurbünde bir deredir. Ve Medîne ile Şâm arasında Vâdi’l-Ḵurâ kurbünde bir nâhiyedir. Ve Lecât nâhiyesinde bir mevziʹdir.
اَلرَّحَبَةُ [er-reḩabet] (bi’l-fethateyn) Sâha ve fezâ maʹnâsınadır; yukâlu: هَذِهِ رَحَبَةُ الْمَسْجِدِ أَيْ سَاحَتُهُ Yaʹnî mescidin önü. Cemʹi اَلرَّحَبُ [er-reḩab] ve اَلرَّحَبَاتُ [er-reḩabât] ve اَلرِّحَابُ [er-riḩâb] gelir, ûleyeynde fethateynle ve sâliste râ’nın kesriyle.
اَلرُّحْبَةُ [er-ruḩbet] (râ’nın zammı ve ḩâ’nın sükûnuyla) ve
اَلرَّحَابَةُ [er-reḩâbet] (râ’nın ve ḩâ’nın fethiyle ظَرَافَةٌ [żarâfet] vezni üzere) Vâsiʹ olmak; yukâlu: رَحُبَتْ تَرْحُبُ رُحْبًا وَرَحَابَةً مِنَ الْبَابِ الْخَامِسِ ve kavluhum مَرْحَبًا وَأَهْلًا أَيْ أَتَيْتَ سَعَةً وَأَتَيْتَ أَهْلًا فَاسْتَأْنِسْ وَلَا تَسْتَوْحِشْ
Sitemizde detaylı hızlı ve kolay arama ekranı