اَلسَّبَنْدَى [es-sebendâ] (حَبَنْطَى [ḩabenṯâ] vezninde) Pek uzun şey΄e denir. Ve cerî΄ ve dilîr olan insâna ve hayvâna denir. Ve sibâʹdan kaplana denir. Cemʹi سَبَانِدُ [sebânid] ve سَبَانِدَةٌ [sebânidet] gelir. Ve ʹinde’l-baʹz سَبَنْدَى [sebendâ] bî-kâr, sâhib-i lehv ü batâlet tebeh-kâr şahsa denir.
اَلسِّبَنْدَى [es-sibendâ] (sîn’in kesri ve bâ’nın fethi ve elifin kasrıyla) ve
اَلسِّبَنْتَى [es-sibentâ] (kezâlik sîn’in kesri ve bâ’nın fethiyle ve elifin kasrıyla) Cerî olan kimse, her ne cinsten olursa ıtlâk olunur. Aṡmaʹî eyitti: اَلسِّبَنْدَى [es-sibendâ] ve اَلسِّبَنْتَى [es-sibentâ] peleng dedikleri yırtıcı cânverdir, نَمِرٌ [nemir] maʹnâsına, nûn’un fethi ve mîm’in kesriyle.
اَلسَّبَنْتَى [es-sebentâ] ve
السَّبَنْدَى [es-sebendâ] (sîn’in ve bâ’nın fethiyle nûn’un sükûnuyla ve âhirinde elifin kasrıyla) Her şey΄den cerî ve mukdim olana derler; âhirinde olan yâ ilhâk içindir, te΄nîs için değildir, zîrâ ona hâ-i te΄nîs dahi ilhâk olup سَبَنْتَاةٌ [sebentât] ve سَبَنْدَاةٌ [sebendât] derler. Ve
سَبَنْتَى [sebentâ] ve
سَبَنْدَى [sebendâ] Pars dedikleri cânvere dahi derler, gûyâ ki cür΄eti olduğu için ıtlâk olunur.
Sitemizde detaylı hızlı ve kolay arama ekranı