اَلسَّنَوَّرُ [es-senevver] (حَزَوَّلٌ [ḩazevvel] vezninde) Cenk esbâbından zırh tarzında bir kesim cübbe ismidir ki kayıştan düzüp cenklerde telebbüs ederler; yukâlu: لَبِسَ سَنَوَّرَهُ وَهُوَ لَبُوسٌ مِنْ قِدٍّ كَالدِّرْعِ Ve bi’l-cümle silâha ıtlâk olunur; yukâlu: لَبِسُوا السَّنَوَّرَ وَهُوَ كُلُّ سِلاَحٍ
اَلسِّنَّوْرُ [es-sinnevr] (sîn’in kesri ve nûn-ı müşeddedenin fethiyle) Maʹrûftur ki kediye denir, Fârisîde gürbe derler, maʹnâ-yı mezbûrdan me΄hûzdur. Ve bir kavmin seyyid ve mihterine ıtlâk olunur, muhâfazasına mebnî; yukâlu: هُوَ سِنَّوْرُ الْقَوْمِ أَيْ سَيِّدُهُمْ Ve deve ve at makûlesinin boyunlarında olan kaburgaya ıtlâk olunur. Ve kuyruğun köküne denir. Cemʹi سَنَانِيرُ [senânîr] gelir.
اَلسَّنَوَّرُ [es-senevver] (fethateynle ve vâv’ın teşdîdiyle) Bir cins libâstır ki deriden olur, zırh üslûbunda.
اَلسِّنَّوْرُ [es-sinnevr] (sîn’in kesri ve nûn’un fethi ve teşdîdiyle ve vâv’ın sükûnuyla) Pisi dedikleri cânver, هِرَّةٌ [hirret] maʹnâsına.
Sitemizde detaylı hızlı ve kolay arama ekranı