اَلْعَبَوْثُرَانُ [el-ʹabevšamp;urân] ve
اَلْعَبَيْثُرَانُ [el-ʹabeyšamp;urân] (ʹayn’ların fethi ve šamp;â-yı müsellese ile; bunda dört lügat vardır, biri vâv ve biri yâ iledir ve šamp;â-yı müsellesenin zamme ve fethalarıyladır) Bir nebât adıdır. Müfredât-ı tıbbiyyede bunu varatika ile beyân ederler. Bizim diyârlarda ʹabaytaran taʹbîr ederler, hoş-bû bir nebâttır. Huccâc, Kaʹbe’den sepetler içre getirip hediyye ederler ve tatyîb için esvâb aralığına vazʹ ederler; ona Kaʹbe reyhânı dahi derler. Meshûku ʹasel ile taʹcîn olunup ferzice olunsa ihbâl husûsunda nâfiʹdir. Ve
عَبَيْثُرَانٌ [ʹabeyšamp;urân] Şedîd ve düşvâr işe denir. Ve şerr ve mekrûha denir; šamp;â’nın fethiyle de câ΄izdir. Ve bir nevʹ şecer adıdır ki dikenleri ve çalıları pek çok olmakla ilişen nesne değme hâlle ondan ayırtlanıp bertaraf olmaz, onun için emr-i şedîd ü düşvârda darb-ı mesel olmuştur.
اَلْعَبَوْثَرَانُ [el-ʹabevšamp;erân] (ʹayn’ın fethi ve bâ’nın ve šamp;â’nın kezâlik fethiyle ve mâ-beyninde vâv’ın sükûnuyla) Bir hûb râyihalı otun ismidir. Ve bunda dört lügat vardır:biri zikr olunan ve biri dahi عَبَوْثُرَانٌ [ʹabevšamp;urân]dır, ʹayn’ın ve bâ’nın fethiyle ve šamp;â’nın zammıyla ve biri dahi عَبِيثَرَانٌ [ʹabîšamp;erân]dır ʹayn’ın fethi ve bâ’nın kesri ve meddiyle ve šamp;â’nın dahi fethiyle ve biri dahi عَبِيثُرَانٌ [ʹabîšamp;urân]dır, šamp;â’nın zammıyla.
Sitemizde detaylı hızlı ve kolay arama ekranı