اَلْعَِجْلِزَةُ [el-ʹiclizet - el-ʹaclizet] (ʹayn’ın kesri ve fethi ve lâm’ın kesriyle) Yavuz tünd ve tüvânâ olan kısrak ata denir. Erkek ata عِجْلِزٌ [ʹicliz] denmez, yaʹnî bu mâdde kısrağa hâstır. Ancak erkek tüvânâ deveye عِجْلِزٌ [ʹicliz] ve nâkaya عِجْلِزَةٌ [ʹiclizet] ıtlâk olunur; yukâlu: فَرَسٌ عِجْلِزَةٌ وَجَمَلٌ عِجْلِزٌ وَنَاقَةٌ عِجْلِزَةٌ أَيْ شَدِيدَةٌ Ve
عِجْلِزَةٌ [ʹİclizet] (ʹayn’ın kesriyle) Bâdiyede Ḩafer-i Ebî Mûsâ karşısında bir kumluk adıdır. Ve عِجْلِزَةٌ [ʹiclizet] lafzının cemʹi عَجَالِزُ [ʹacâliz]dir.
اَلْعِجْلِزَةُ [el-ʹiclizet] (ʹayn’ın ve lâm’ın kesriyle) Kavî nâka; yukâlu: نَاقَةٌ عِجْلِزَةٌ أَيْ شَدِيدَةٌ Ve ʹayn’ın ve lâm’ın fethiyle dahi lügattır, feth Temîm lügati ve kesr Ḵays’ın lügatıdır. Ve gâh olur ki ata dahi sıfat olur; yukâlu: فَرَسٌ عِجْلِزَةٌ وَعَجْلَزَةٌ بِالْكَسْرِ وَالْفَتْحِ أَيْضًا Ve müzekkere ıtlâk olunmaz. Ve
عِجْلِزَةٌ [ʹiclizet] Berriyyede bir cins kumun ismidir, remle-i mahsûsa maʹnâsına.
Sitemizde detaylı hızlı ve kolay arama ekranı