اَلْعَمْرَانِ [el-ʹamrân] (تَمْرَانِ [temrân] vezninde ki tesniyedir) Esvâbın iki yenlerinin iki ucuna denir.
اَلْعُمَرَانِ [el-ʹUmerân] (ʹayn’ın zammı ve mîm’in fethiyle) Ebû Bekr eṡ-Ṡiddîḵ ve ʹÖmer el-Fârûḵ radıyallâhu ʹanhumâ hazretleri irâde olunur. ʹAlâ-kavlin ʹÖmer el-Fârûḵ ile hulefâ-yı Emeviyyeden ʹÖmer b. ʹAbdulʹazîz murâd olur.
اَلْعَمْرَانِ [el-ʹAmrân] (ʹayn’ın fethi ve mîm’in sükûnuyla) ʹÖmer b. Câbir b. Hilâl b. Fezâre ve Bedr b. ʹÖmer b. Cu΄eyye b. Fezâre’dir.
اَلْعُمَرَانِ [el-ʹUmerân] (ʹayn’ın zammı ve mîm’in fethiyle) Ebû Bekr ve ʹÖmer radıyallâhu ʹanhumâ, Ferrâ rivâyeti üzere. Ve Muʹâž-ıHerrâ΄ eyitti: عُمَرَيْنِ [ʹUmereyn]le murâd ʹÖmer b. el-Ḣaṯṯâb ve ʹÖmer b. ʹAbdulʹazîz değildir, zîrâ ʹOšamp;mân’a radıyallâhu ʹanhu “نَسْأَلُكَ سِيرَةَ الْعُمَرَيْنِ” dediler, hâlâ ki o zamânda ʹÖmer b. ʹAbdulʹazîz vücûda gelmemişti. Ve Aṡmaʹî, Ḵatâde’den rivâyet edip eyitti: Mezbûra ümmehât-ı evlâdın ʹıtkından su΄âl olundukta “أَعْتَقَ الْعُمَرَانِ فَمَا بَيْنَهُمَا مِنَ الْخُلَفَاءِ أُمَّهَاتِ الْأَوْلَادِ” dedi.Pes Ḵatâde’nin bu kelâmında عُمَرَيْنِ [ʹUmereyn]le murâd ʹÖmer b. el-Ḣaṯṯâb ve ʹÖmer b. ʹAbdulʹazîz’dir, zîrâ Ebû Bekr’le ʹÖmer beyninde hulefâ mürûr etmemiştir.
Sitemizde detaylı hızlı ve kolay arama ekranı