Kamus-ı Muhit - حباب maddesi

حَبَابُ الرَّمْلِ [ḩabâbu’r-reml] Kumluğun muʹzam ve kesîr olan yerine denir. Ve

حَبَابٌ [Ḩabâb] Esâmîdendir. Ve çiğ ve şebnem taʹbîr olunan rutûbete denir, طَلٌّ [ṯall] maʹnâsına. Ve Ḩabâb b. Ṡâliḩ el-Vâsiṯî ve Aḩmed b. İbrâhîm b. Ḩabâb el-Ḩabâbî, muhaddisîndendir.

اَلْحِبَابُ [el-ḩibâb] (كِتَابٌ [kitâb] vezninde) Sevgiye denir, niteki zikr olundu. Ve

حِبَابٌ [Ḩibâb] Esâmî-i ricâldendir. Ve bir habbeden olan küpeye denir. Ve mufâʹale bâbından masdar olur, sevişmek maʹnâsına; tekûlu: حَابَبْتُهُ حِبَابًا

اَلْحُبَابُ [el-ḩubâb] (ḩâ’nın zammıyla) Muhabbet maʹnâsınadır ki zikr olundu. Ve mahbûb maʹnâsınadır. Ve yılana denir, حَيَّةٌ [ḩayyet] gibi. Ve Benû Suleym kabîlesinden bir cemâʹat adıdır. Ve Ensâr’dan bir zât ismidir. Ve Ḩubâb b. el-Munžir ve Ḩubâb b. Ḵayżî ve Ḩubâb b. Zeyd ve Ḩubâb b. Cez΄ ve Ḩubâb b. Cubeyr ve Ḩubâb b. ʹUmeyr ve Ḩubâb b. ʹAbdullâh ashâbdandır. Ve

حُبَابٌ [ḩubâb] حُبَابَةٌ [ḩubâbet] lafzından cemʹ-i cinsi olur ki su böceklerinden bir siyâh böcek adıdır, kurbağa yavrusu dedikleridir. Ve

حُبَابٌ [Ḩubâb] İsm-i şeytândır.

Vankulu Lugatı - حباب maddesi

اَلْحُبَابُ [el-ḩubâb] (zamm-ı hâ΄ ile) Mahabbet maʹnâsına. Ve yılan maʹnâsına dahi gelir, حَيَّةٌ [ḩayyet] gibi. Ve

حُبَابٌ [ḩubâb] İsm-i şeytândır dediklerinin vechi budur, zîrâ حَيَّةٌ [ḩayyet] şeytândandır derler. Ve ricâlden baʹzına ism kıldıklarının dahi vechi budur.