اَلْحَبِيشِيُّ [el-Ḩabîşiyy] حَبَشٌ [Ḩabeş]e mensûb demektir. Ve
حَبَشِيٌّ [Ḩabeşiyy] Semîrâ΄ şarkîsinde bir dağın adıdır. Ve Benû Esed bilâdında bir dağın dahi adıdır.
حُبْشِيٌّ [Ḩubşiyy] (كُرْدِيٌّ [kurdiyy] vezninde) Esfel-i Mekke’de bir dağın ismidir, أَحَابِيشُ قُرَيْشٍ [Eḩâbîşu Ḵureyş] taʹbîr olunan cemâʹat bundan me΄hûzdur. Aslı budur ki Ḵureyş ve Kinâne ve Ḣuzeyme ve Ḣuzâʹa kabîleleri zikr olunan dağda ʹakd-i cemʹiyyet edip mâdâm ki gece muzlim ve gündüz âşikâr ve işbu Cebel-i Ḩubşî sâbit ve pâyidar oldukça cümlesi yek-dil ve yek-cihet olup bir ʹârıza zuhûrunda birbirine meded ve nusret eylemek bâbında ʹahd ve yemîn eylediler. Binâ΄en ʹaleyh onlara Eḩâbîş ıtlâk olunmuştu. Ve Ḵureyş mecmûʹunun sâdâtı olmakla ona izâfetle Eḩâbîşu Ḵureyş dediler. Ve
حُبْشِيٌّ [Ḩubşiyy] Esâmîdendir: Ḩubşî b. Cunâde ashâbdandır. Ve Ḩubşî b. ʹAmr b. er-Rebîʹ b. Ṯâriḵ muhaddisîndendir; ʹinde’l-baʹz fethateynledir, Ḩabeşî b. İsmâʹîl gibi ki bu dahi rüvâttandır. Ve ammâ Ḩabşî b. Muḩammed ve ʹAlî b. Muḩammed b. Ḩabşî ve Muḩammed b. Muḩammed b. Muḩammed b. ʹAṯṯâf b. Ḩabşî ki rüvâttandırlar, ḩâ’nın fethi ve bâ’nın sükûnuyladırlar. Ve Ḩubşe b. Selûl ki ashâbdan ʹİmrân b. Ḩuṡayn’ın ceddidir, ḩâ’nın zammı ve bâ’nın sükûnuyladır.
Sitemizde detaylı hızlı ve kolay arama ekranı