عُكَاظُ [ʹUkâż] (غُرَابٌ [ġurâb] vezninde) Bir pazar ismidir ki Naḣle ile Ṯâ΄if miyânında vâkiʹ sahrâda kurulur idi, beyne’l-ʹArab bir ʹazîm pazar idi. Beher sene zi’l-kaʹde gurresinde kurulup yirmi gün müddet müstemirr olur idi. Aktâr ve âfâktan katı vâfir ʹArab tecemmüʹ edip birbiriyle تَعَاكُظٌ [teʹâkuż] yaʹnî müşâʹare ve münâşede ile tefâhur ve mübâhat ederler idi; vech-i tesmiye budur. Edîm-i ʹUkâż sûk-ı merkûmeye mensûbdur.
عُكَاظٌ [ʹUkâż] (ʹayn’ın zammıyla) Mekke-i mükerreme nâhiyesinde ʹArab tâ΄ifesine mahsûs bir bâzârın ismidir her yıl onda cemʹ olup bir ay ikâmet edip alım satım edip şuʹarâ şiʹrler inşâd edip tefâhur ederlerdi, vaktâ ki dîn-i İslâm zuhûra geldi o bâzâr bozulup münhedim oldu. Ve يَوْمَيْ عُكَاظٍ dedikleri bundan me΄hûzdur, yaʹnî şol iki gün ki onda muhârebe vâki olmuştur merreten baʹde uhrâ.
Sitemizde detaylı hızlı ve kolay arama ekranı