قُمْرٌ [Ḵumr] (ḵâf’ın zammıyla) Zengibâr bilâdının verâsında bir mevziʹ adıdır, varak-ı Ḵumârî dedikleri dârû ondan celb olunur. Ve o hırrîfiyetli tayyibü’t-taʹm bir varaktır. Varak-ı mezbûr tanbul taʹbîr olunan nebâtın yaprağı olacaktır; sarmaşık yaprağına şebîh ve tedvîre mâ΄il ve taʹmı karanfile karîbdir. Ve zikr olunan Ḵumr nâm mevziʹin dağlarına Cibâlu Ḵumr derler, hatt-ı istivâ verâsındadır, nehr-i Nîl’in menbaʹı oradadır.
اَلْقَمَرُ [el-ḵamer] (fethateynle) Aya derler; gurre-i kamerden üç gece geçtikten sonra قَمَرٌ [ḵamer] tesmiye olundu, beyâz olduğundan ötürü. Ve
اَلْقُمَيْرُ [el-ḵumeyr] (ḵâf’ın zammıyla) Tasgîri. Ve
قَمَرٌ [ḵamer] Göz kamaşmağa dahi derler, tahayyür-i basar maʹnâsına; yukâlu: قَمِرَ الرَّجُلُ يَقْمَرُ قَمَرًا مِنَ الْبَابِ الرَّابِعِ إِذَا لَمْ يُبْصِرْ فِي الثَّلْجِ Ve
قَمَرٌ [ḵamer] Kırba ay te΄sîriyle yanmış gibi olmak, bir haysiyyetle ki derinin dâhiliyle zâhiri mâ-beynine su girer ola, İbnu’s-Sikkît rivâyeti üzere.
Sitemizde detaylı hızlı ve kolay arama ekranı