اَلْإِلْمَاعُ [el-ilmâʹ] (hemzenin kesriyle) Hayvânın vazʹ-ı haml eylemesi karîb olmakla memelerinin başları kararmak maʹnâsınadır; yukâlu: أَلْمَعَ الْفَرَسُ وَالْأَتَانُ وَأَطْبَاءُ اللَّبُؤَةِ إِذَا أَشْرَفَ لِلْحَمْلِ وَاسْوَدَّتِ الْحَلَمَتَانِ Ve gebe kalmış koyun gebe kaldığını bildirmek için kuyruğunu kaldırmak maʹnâsınadır; yukâlu: أَلْمَعَتِ الشَّاةُ بِذَنَبِهَا إِذَا رَفَعَتْهُ لِيُعْلَمَ أَنَّهَا قَدْ لَقِحَتْ Ve anası karnında veled deprenmek maʹnâsınadır; yukâlu: أَلْمَعَتِ الْأُنْثَى إِذَا تَحَرَّكَ وَلَدُهَا فِي بَطْنِهَا Ve bir nesneyi kapıp almak maʹnâsınadır; yukâlu: أَلْمَعَ بِالشَّيْءِ وَعَلَيْهِ إِذَا اخْتَلَسَهُ Ve bir yerde parça parça otluk peydâ olmak maʹnâsınadır ki murâd otluk firâvân olmakla eski parçaları var iken bu senenin tâzeleri dahi câ-be-câ parça parça zuhûr eylemekten ʹibârettir; yukâlu: أَلْمَعَتِ الْبِلاَدُ إِذَا صَارَتْ فِيهَا لُمْعَةٌ مِنَ النَّبْتِ
اَلْإِلْمَاعُ [el-ilmâʹ] (hemzenin kesriyle) Bir vilâyetin otu ağarmağa başlamak; yukâlu: هَذِهِ بِلَادٌ قَدْ أَلْمَعَتْ
Sitemizde detaylı hızlı ve kolay arama ekranı