اَلْأَلْغَازُ [el-elġâz] (hemzenin fethiyle) Vech-i mezkûr üzere لُغَزٌ [luġaz]ın cemʹidir ki yaban faresinin yuvasına denir. Bu münâsebetle sülûku müşkil yola ıtlâk olunur; yukâlu: سَلَكُوا فِي الْأَلْغَازِ أَيِ الطُّرُقِ الْمُلْتَوِيَةِ الْمُشْكِلَةِ عَلَى سَالِكِهَا
اَلْأَلْغَازُ [el-elġâz] (hemzenin fethiyle) لُغَزٌ [luġaz]ın cemʹi, رُطَبٌ [ruṯab] ile أَرْطَابٌ [erṯâb] gibi. Ve لُغَزٌ [luġaz]ın aslı yaban fâresi yuvasından me΄hûzdur ki لُغَزٌ [luġaz] قَاصِعَاءُ [ḵâṡiʹâ΄] ile نَافِقَاءُ [nâfiḵâ΄] beyninde cânib-i süfle ʹalâ-vechi’l-istikâme kazıp ondan yemînen ve şimâlen kazmaktır, tâ ki mekânı hafî ola. Ve قَاصِعَاءُ [ḵâṡiʹâ΄] ḵâf’la ve ṡâd ve ʹayn-ı mühmeleteynle fârenin dâhil olacak deliğine derler. Ve نَافِقَاءُ [nâfiḵâ΄] nûn’la ve fâ΄ ile baʹdehu ḵâf’la şol fâre yuvasına derler ki yer yüzüne çıkmağa toprağı yufka kılıp vakt-i zarûrette başıyla dürtüp taşra çıka, pes fâre-i deştî bu إِلْغَازٌ [ilġaz]la kendiyi muhtefî kılar.
Sitemizde detaylı hızlı ve kolay arama ekranı