اَلْبَرَاهِمَةُ [el-Berâhimet] Bir tâ΄ifedir ki Hak celle ve ʹalâ hazretlerinin peygamber irsâlini tecvîz eylemezler; yukâlu: هُوَ مِنَ الْبَرَاهِمَةِ وَهِيَ قَوْمٌ لَا يُجَوِّزُونَ عَلَى اللهِ بِعْثَةَ الرُّسُلِ Mütercim der ki Miṡbâḩ’ın beyânına göre بَرَاهِمَةٌ [Berâhimet] Hindûların ʹubbâd ve zühhâdına ıtlâk olunur;müfredi بَرَهْمَنٌ [Berehmen]dir, nûn’u tenvîne müşâbihtir ki nisbette sâkıt olup بَرْهَمِيٌّ [Berhemiyy] derler, ʹalâ-kavlin bu hukemâ-i hünûddan Berhemân nâm şahsa mensûbdur ki tevâbiʹine temhîd-i kavâʹid-i ʹakâ΄id eden kimse olacaktır. Bu sûrette nisbeti gayr-i kıyâs üzere olur. Ve bunlar biʹset-i enbiyâyı tecvîz eylemezler ve luhûm-ı hayvânı tahrîm ederler, zünûb ve ʹudvândan berî΄ olan hayvânâtı îlâm ve taʹzîb hikmetten hâric zulmdür derler. Ve Burhân’da Berehmen Hindistân’da Mecûs kavminin papazlarına ʹalem-i hâss olmak üzere mersûmdur. Ve tafsîl-i ʹakâ΄idleri kütüb-i kelâmiyyede mebsûttur.
اَلْبَرَاهِمَةُ [el-berâhimet] (bâ’nın fethi ve hâ’nın kesriyle) Şol kavmdir ki onlar Bârî taʹâlâ rüsül göndermeği câ΄iz görmezler.
Sitemizde detaylı hızlı ve kolay arama ekranı