اَلْجِذْلُ الْمُحَكَّكُ [el-cižlu’l-muḩakkek] (cîm’in kesri ve mîm’in zammı ve kâf’ın fethi ve teşdîdiyle) Şol direktir ki deve ağılında dikerler, gicik olan deve ona sürünsün diye. Ve Ḩabbâb b. el-Munžir’in kavli Saḵîfe-i Benî Sâʹide gününde ki “أَنَا جُذَيْلُهَا الْمُحَكَّكُ وَعُذَيْقُهَا الْمُرَجَّبُ” demiştir, bu maʹnâyadır. Ve Saḵîfe-i Benî Sâ΄ide müşâvere cemʹiyyeti için binâ olunmuş bir evdir. Ve عِذْقٌ مُرَجَّبٌ [ʹižḵun murecceb] kesr-i ʹayn-ı mühmele ve feth-i cîm ile şol hurmâ salkımına derler ki dalın ufatmasın diye dayak vurulmuş ola. Ve tasgîrler yaʹnî جُذَيْلٌ [cužeyl] ve عُذَيْقٌ [ʹužeyḵ] bu kelâmda yâ hazm-ı nefs için ola yâhûd taʹzîm için ola. Ve bundan maksûd kâ΄il kendiyi re΄y-i tedbîri ile sâ΄irlerin şifâ-yı sadrı olduğın işʹârdır.
Sitemizde detaylı hızlı ve kolay arama ekranı