Kamus-ı Muhit - الجدف maddesi

اَلْجَدْفُ [el-cedf] (cîm’in fethi ve dâl’ın sükûnuyla) Kesmek maʹnâsınadır; yukâlu: جَدَفَ الشَّيْءَ جَدْفًا مِنَ الْبَابِ الثَّانِي إِذَا قَطَعَهُ Ve bulut kar yağdırmak maʹnâsınadır; yukâlu: جَدَفَتِ السَّمَاءُ بِالثَّلْجِ إِذَا رَمَتْ بِهِ Ve bir adam kollarını oynatıp birbirine vurarak çabuk çabuk yürümek maʹnâsınadır; yukâlu: جَدَفَ الرَّجُلُ إِذَا ضَرَبَ بِالْيَدَيْنِ وَذَلِكَ إِذَا أَسْرَعَ فِي مِشْيَتِهِ ضَرَبَ بِيَدَيْهِ وَحَرَّكَهُمَا Ve baʹzılar dedi ki جَدْفٌ [cedf] nagme ve sürûr ile deve süren kimse aralık aralık nagamâtı katʹ eylemeğe yaʹnî kese kese nagamât eylemeğe denir; yukâlu: اَلْحَادِي يَجْدِفُ أَيْ يُقَطِّعُ صَوْتَهُ فِي الْحُدَاءِ Ve

جَدْفٌ [cedf] Âhû kısmı adımlarını kısa kısa atmak maʹnâsınadır; yukâlu: جَدَفَ الظَّبْيُ إِذَا قَصَّرَ خَطْوَهُ

اَلْجَدَفُ [el-cedef] (fethateynle) Kabr ve mezâra denir; yukâlu: وَضَعَهُ فِي الْجَدَفِ أَيِ الْقَبْرِ Ve bir mevziʹ adıdır. Ve meşrûbâttan ağzı kapaklanıp örtülmeyen, ʹalâ-kavlin ağzı bağlanmayan nesneye denir, ağzı açık tulum gibi. Ve baʹzılar dedi ki جَدَفٌ [cedef] Yemen’e mahsûs bir nebât adıdır ki onu ekl eden su içmekten müstagnî olur. Ve

جَدَفٌ [cedef] Meşrûbâttan atılan köpük yâ hâr u hâşâk makûlesine denir.

Vankulu Lugatı - الجدف maddesi

اَلْجَدَفُ [el-cedef] (fethateynle) Kabr maʹnâsınadır, جَدَثٌ [cedešamp;]ten ibdâl olunmadır. Ferrâ eyitti: ʹArab fâ΄ile šamp;â’yı birbirine tebdîl eder,جَدَثٌ [cedešamp;] ve جَدَفٌ [cedef] ve أَجْدَاثٌ [ecdâšamp;] ve أَجْدَافٌ [ecdâf] der. Ve

جَدَفٌ [cedef] Kezâlik meşrûbâttan ağzı örtülmeyen nesnedir. Ve fî hadîsi ʹÖmer: “حِينَ سَأَلَ الْمَفْقُودَ الَّذِي كَانَ الْجِنُّ اسْتَهْوَتْهُ مَا كَانَ طَعَامُهُمْ فَقَالَ الْفُولُ وَمَا لَمْ يُذْكَرِ اسْمُ اللهِ عَلَيْهِ وَمَا كَانَ شَرَابُهُمْ فَقَالَ الْجَدَفُ” ki جَدَفٌ [cedef]i bu hadîs-i şerîfte ağzı örtülmeyen şarâb ile tefsîr etmişlerdir. Ve baʹzılar eyitti: جَدَفٌ [cedef] vilâyet-i Yemen’de bir ottur ki onu yiyen kimse üzerine su içmeğe muhtâc olmaz. Ve فُولٌ [fûl] ki hadîs-i mezkûrda vâkiʹ olmuştur fâ’nın zammıyla bakla maʹnâsına ve baʹzılar nohut maʹnâsınadır dedi.