اَلْجَوْهَرُ [el-cevher] (جَوْرَبٌ [cevreb] vezninde) Mutlakâ şol hacere denir ki kendisinden intifâʹ olunacak nesne istihrâc olunur ola; murâd cevâhir-i maʹdeniyye olan ahcârdır ki filizzâttan ʹibârettir. Ve جَوْهَرُ الشَّيْءِ [cevheru’ş-şey΄] o nesnenin cibilleti kendisi üzere mevzûʹ olan nesneye ıtlâk olunur, yaʹnî o nesnenin asl mâye ve mâddesidir ki o nesne ondan sûret-pezîr-i husûl ola. Meselâ cevher-i insânî mâye-i cibilliyettir ki neşv ü nemâ bi’l-cümle evzâʹ ve atvârının mevzûʹun ʹaleyhidir.
اَلْجَوْهَرُ [el-cevher] (ʹalâ-vezni جَوْرَب [cevreb]) İsm-i muʹarrebdir, kıymetli taş maʹnâsına. Ve عَرَضٌ [ʹaraḋ]ın mukâbilinde dahi istiʹmâl olunur.
Sitemizde detaylı hızlı ve kolay arama ekranı