Kamus-ı Muhit - الحذف maddesi

اَلْحَذَفُ [el-ḩažef] (fethateynle) Bir cins kuşa, ʹalâ-kavlin hurde kaza denir. Ve bir cins koyuna denir ki siyâh ve hurde olur, Ḩicâz vilâyetine mahsûstur, ʹinde’l-baʹz Yemen’de Cureş nâm mahalde olur; kuyrukları ve kulakları olmaz ve cüsseleri hurde olur. Ve bir türlü kargaya denir ki küçük ve me΄kûl olur, ekin kargası taʹbîr olunur. Ve

حَذَفٌ [ḩažef] Ekinin yaprağına denir.

اَلْحَذْفُ [el-ḩažf] (ḩâ’nın fethi ve žâl’ın sükûnuyla) Düşürmek maʹnâsınadır; yukâlu: حَذَفَهُ حَذْفًا مِنَ الْبَابِ الثَّانِي إِذَا أَسْقَطَهُ Sarfiyyûnun حَذْفٌ [ḩažf] taʹbîrleri bundandır. Ve saç ve sakaldan ve tüylerden bir mikdârca alıp gidermek maʹnâsına müstaʹmeldir; yukâlu: حَذَفَ مِنْ شَعْرِهِ إِذَا أَخَذَهُ Ve bir kimseye değnek atmak maʹnâsınadır; yukâlu: حَذَفَهُ بِالْعَصَا إِذَا رَمَاهُ بِهَا Ve yanlarını ve kıçını oynatarak yürümek, ʹalâ-kavlin adımlarını sık sık atarak yürümek maʹnâsınadır; yukâlu: حَذَفَ فِي مِشْيَتِهِ إِذَا حَرَّكَ جَنْبَهُ وَعَجُزَهُ أَوْ تَدَانَى خَطْوُهُ Ve bir adama bahşiş vermek maʹnâsınadır; yukâlu: حَذَفَ فُلاَنًا بِجَائِزَةٍ إِذَا أَوْصَلَهُ بِهَا Ve selâm ve tahiyyeti uzatmayıp kasr ve tahfîf eylemek maʹnâsına müstaʹmeldir; yukâlu: حَذَفَ السَّلاَمَ إِذَا خَفَّفَهُ وَلَمْ يُطِلِ الْقَوْلَ بِهِ

Vankulu Lugatı - الحذف maddesi

اَلْحَذَفُ [el-ḩažef] (fethateynle) Şol koyunlardır ki ufak ve siyâh olur ki onlar Ḩicâz koyunlarıdır.

اَلْحَذْفُ [el-ḩažf] (ḩâ’nın fethi ve žâl-ı muʹcemenin sükûnuyla) Düşürmek ve koparmak, iskât maʹnâsına; yukâlu: حَذَفْتُ مِنْ شَعْرِي وَمِنْ ذَنَبِ الدَّابَّةِ أَيْ أَخَذْتُ Ve atmak maʹnâsına da gelir; tekûlu: حَذَفْتُهُ بِالْعَصَا إِذَا رَمَيْتَهُ بِهَا Ve

حَذْفٌ [ḩažf] Darb-ı mahsûs maʹnâsına da gelir; tekûlu: حَذَفْتُ رَأْسَهُ بِالسَّيْفِ إِذَا ضَرَبْتَهُ وَقَطَعْتَ مِنْهُ قِطْعَةً