اَلْحُطَيْئَةُ [el-ḩuṯay΄et] (zamm-ı ḩâ’yla) Taslak, bed-likâ ve bed-endâm kimseye denir, دَمِيمٌ [demîm] maʹnâsına yâhûd kısa boylu, bodur kimseye denir. Fi’l-asl حُطَاءَةٌ [ḩuṯâ΄et] kelimesinin musaggarıdır ki zarta ve عَذِرَةٌ [ʹažiret] maʹnâlarınadır, bed-likâ ve bed-manzara ıtlâkı maʹnâ-yı sânî iʹtibârıyla ve bodura ıtlâkı maʹnâ-yı evvele göredir; zîrâ zarta gibi yere yakın olur. Şirrîr-i şuʹarâ olan Cervel b. Evs el-ʹAbsî nâm şâʹire lakab vazʹ olunmuştur. Vakt-i saʹâdette İslâm’a gelip sonra mürted olmuştur, esîr oldukta yine İslâm’a gelmiştir, ebeveyn ve birâder ve zevcesini ve kendi nefsini hicv eylemiştir.
اَلْحُطَيْئَةُ [el-ḩuṯay΄et] (bi-zammi’l-ḩâ΄ ve fethi’ṯ-ṯâ΄) Kısa boylu ve kabîh kimse. Ve bir kimsenin adı.
Sitemizde detaylı hızlı ve kolay arama ekranı