اَلسَّوْدُ [es-sevd] (sîn’in fethi ve vâv’ın sükûnuyla) Şol dağ doruğuna denir ki düz ve kara taşlık ola, ondan bir kıtʹaya سَوْدَةٌ denir hâ’yla. Ve bu münâsebetle baʹzı nisvâna tesmiye olundu. Ve
سَوْدٌ [Sevd] Ḵays kabîlesi yurdunda niçe cibâle ıtlâk olunur.
اَلسُّودُ [es-sûd] (sîn’in zammıyla) ve
اَلسُّودَدُ [es-sûded] (sîn’in zammı ve dâl’ın fethiyle) ve
اَلسُّؤْدُدُ [es-su΄dud] (hemze ile قُنْفُذٌ [ḵunfuž] vezninde) Siyâdet maʹnâsınadır. Şârihin beyânına göre mü΄ellif teşvîş eylemiştir, zîrâ سُودٌ [sûd] ve سُودَدٌ [sûded] ve سِيَادَةٌ [siyâdet] masdarlardır, bir adam kavmi beyninde ulu ve ʹazîmü’l-kadr olmak maʹnâsınadır. Ve bu سَوَادٌ [sevâd]dan me΄hûzdur ki cemâʹat-i kesîre umûrunu mütevellî olmaktan ʹibârettir. Ve سُؤْدُدٌ [su΄dud] قُنْفُذٌ [ḵunfuž] vezninde ismdir, ululuk ve ser-gerdelik maʹnâsına; yukâlu: سَادَ الرَّجُلُ يَسُودُ سُودًا وَسُؤْدُدًا وَسِيَادَةً إِذَا مَجُدَ
اَلسَّوْدُ [es-Sevd] (sîn’in fethi ve vâv’ın sükûnuyla) Ki baʹzı eşʹârda vâki olmuştur, Ḵays dağlarıdır. Ve
سَوْدٌ [Sevd] Bir mevziʹin dahi ismidir.
Sitemizde detaylı hızlı ve kolay arama ekranı