اَلسَّوْسَنُ [es-sevsen] (جَوْهَرٌ [cevher] vezninde) Maʹrûf çiçek ismidir, berrî ve bostânî olur. Bostânî nevʹi iki kısmdır: biri ebyazdır ki âzâd ıtlâk ederler ve dîgeri âsmân-gûn yaʹnî gök olur, ona îrisâ derler; istiskâya nâfiʹ ve mevâdd-ı galîzayı mulattiftir. Ve âzâd dedikleri latîf ve dimâga ʹârız olan ʹilel-i bârideye nâfiʹ ve dimâgda müctemiʹ olan riyâh-ı galîzayı muhallildir. Ve kökü cellâ΄ ve muhallil ve yaprağını zımâd ıssı su yakmış ʹuzva ve hevâmm ve haşerât hâssaten ʹakreb lesʹine müfîddir. Ve سَوْسَنٌ [sevsen] kelimesinin müfredi سَوْسَنَةٌ [sevsenet]tir, Türkîde tahrîfle susam taʹbîr ederler; zanbak bunun ak nevʹidir. Ve müfredâtta îrisâ, gök sevsenin köküyle müfesserdir ki halk ona menekşe kökü taʹbîr ederler.
Sitemizde detaylı hızlı ve kolay arama ekranı