اَلْعَضْرَسُ [el-ʹaḋres] (ḋâd-ı muʹceme ile جَعْفَرٌ [caʹfer] vezninde) Yaban eşeğine denir حِمَارُ وَحْشٍ maʹnâsına. Ve soğuğa denir, بَرْدٌ [berd] maʹnâsına. Ve bârid ve hoş-güvâr suya denir. Ve gökten yağan doluya denir. Ve kara denir. Ve üzerine çiğ yağmış yaprağa denir. ʹAlâ-kavlin su içinde olan taşlarda yosun gibi yapışmış olan yapraklara denir ki cereyânla yâ üstüne dökülmekle yapışıp kalır. Ve bir nevʹ nebât ismidir ki açık yeşil olur; rutûbeti be-gâyet mütehammildir, ʹAlâ-kavlin bu زِبْرِجٌ [zibric] veznindedir ki خِطْمِيٌّ [ḣiṯmiyy] ağacına denir, murâd yabanî hâtem çiçeğinin ağacı olacaktır ki etıbbâ΄ ona شَحْمُ الْمَرْجِ [şaḩmu’l-merc] ıtlâk ederler.
اَلْعَضْرَسُ [el-ʹaḋres] (ʹalâ-vezni جَعْفَر [caʹfer]) Dolu ki gökten yağar, حَبُّ الْغَمَامِ [ḩabbu’l-ġamâm] maʹnâsına. Ve fi’l-meseli: “أَبْرَدُ مِنْ عَضْرَسٍ” ve
عَضْرَسٌ [ʹaḋres] Bir ota dahi derler.
Sitemizde detaylı hızlı ve kolay arama ekranı