اَلْعَنْدَلِيبُ [el-ʹandelîb] (زَنْجَبِيلٌ [zencebîl] vezninde) Bülbül kuşuna denir ki hezâr dahi derler, gûnâgûn nagamât ve elhân sâhibidir. Cemʹi عَنَادِلُ [ʹanâdil] gelir, rubâʹîye redd olunduktan sonra cemʹ binâ kılınmıştır. Ve “hezâr” lafzı Fârisîdir, hezâr-destân olduğundan ıtlâk olunmuştur.
اَلْعَنْدَلِيبُ [el-ʹandelîb] (ʹayn’ın fethi ve nûn’un sükûnu ve dâl’ın fethiyle) Bir kuştur ki ona bülbül derler, هَزَارٌ [hezâr] maʹnâsına.
Sitemizde detaylı hızlı ve kolay arama ekranı