اَلْفَرْقَدُ [el-ferḵad] (غَرْقَدٌ [ġarḵad] vezninde) Sığır yavrusuna, ʹalâ-kavlin yaban sığırının yavrusuna denir. Ve şol maʹhûd parlak yıldıza denir ki yola gidenler onunla ihtidâ ederler, yaʹnî semt-i meslûku onunla bulup râh-ı râstlarından ʹudûl ve inhirâf eylemezler. Ve bu Ḵuṯb-ı Şimâlî’ye karîb iki kevkebdir. Her birine Ferḵad ve ikisine Ferḵadân ıtlâk ederler. Fârisîde dû-birâderân ve Türkîde iki kardeş taʹbîr olunur. Ve baʹzı eşʹârda şiddet-i ittisâline binâ΄en müfred olarak vârid olmuştur. Şârihin beyânına göre cemʹ olarak فَرَاقِدُ [ferâḵid] ʹunvânında dahi vârid olmuştur, gûyâ ki her cüz΄leri bir kevkeb ʹadd olunmuştur.
اَلْفَرْقَدُ [el-ferḵad] (fâ’nın fethi ve râ’nın sükûnuyla جَعْفَر [caʹfer] vezni üzere) Öküz yavrusuna derler.
Sitemizde detaylı hızlı ve kolay arama ekranı