اَلْكُوَارَةُ [el-kuvâret] (kâf’ın zammı ve vâv’ın tahfîfi ve teşdîdi ile كِتَابَةٌ [kitâbet] vezninde dahi lügattir) Şol arı kovanına denir ki çitten ve çubuktan yâhûd çamurdan dizilir, tepesi dar bir zarftır. ʹAlâ-kavlin mumda yaʹnî gömeçte olan balına denir. Cemʹi كُوَارَاتٌ [kuvârât]tır. Ve ʹalâ-re΄yin ehliyye yaʹnî şehrlerde olan maʹhûd kovanlara denir.
اَلْمِكْوَرُ [el-mikver] (مِنْبَرٌ [minber] vezninde) ve
اَلْمِكْوَرَةُ [el-mikveret] (hâ’yla) ve
اَلْكِوَارَةُ [el-kivâret] (كِتَابَةٌ [kitâbet] vezninde) Başa sarınacak sarığa denir, ʹimâme maʹnâsına. Ve
كِوَارَةٌ [kivâret] Nisvân-ı ʹAraba mahsûs bir gûne baş örtüsüne denir ki sarık gibi başlarına dolarlar.
اَلْكُوَارَةُ [el-kuvâret] (kâf’ın zammı ve vâv’ın fethiyle ve tâhfîfiyle) Şol baldır ki henüz şemaʹ içinde ola; yukâlu: كُوَارَةُ النَّحْلِ لِعَسَلِهَا فِي الشَّمَعِ
Sitemizde detaylı hızlı ve kolay arama ekranı